Rinora Gojani është Menaxhere e Programeve dhe Operacioneve Balkan Green Foundation. Ajo ka një përvojë të gjerë pune në hulimtim, avokim, ngritje të kapaciteteve, angazhim të niveleve qytetare, mbledhje fondesh, dhe menaxhimin e projekteve të përqendruara në zhvillimin e qëndrueshëm, demokratizimin, politikën e Ballkanit Perëndimor dhe proceset e integrimit në BE. Rinora ka një diplomë Masteri në Politikë Evropiane, me fokus në politikën energjetike, nga Kolegji Universitar i Dublinit. Ajo ka një pasion për sportet në natyrë, në veçanti për çiklizmin, hiking, dhe ngjitje në gurë.

Doruntina Murati Gashi është Menaxhere e Financave për gati katër vite në BGF. Ajo është përgjegjëse për kontabilitetin dhe menaxhimin financiar të organizatës. Ajo gjithashtu është e përfshirë në raportime të drejtpërdrejta financiare për donatorë të shumtë dhe menaxhimin e auditimeve të jashtme. Përvojat e saj përfshijnë kontabilitetin, raportimin financiar, taksimin, pasqyrat financiare dhe ka njohuri për Standardet Ndërkombëtare të Raportimit Financiar (SNRF). Doruntina ka një diplomë Bachelor në Bankë, Financa dhe Kontabilitet nga Universiteti i Prishtinës, Fakulteti i Ekonomisë. Gjatë kohës së lirë, ajo shijon ecjet në natyrë, gatimin dhe ka një pasion për dizajnin interior.

Fjolla Qorri është Hulumtuese në Balkan Green Foundation. Fjolla ka të përfunduar studimet e nivelit bachelor në Politikën Publike dhe Menaxhim në RIT Kosova si dhe Gjuhën dhe Letërsinë Frënge në Universitetin e Prishtinës.

Ajo ka dy vite përvojë në sektorin publik dhe ka qenë e angazhuar si hulumtuese në fushata të ndryshme elektorale lokale dhe kombëtare që kanë avokuar për politika të gjelbra. Ka publikuar tezën e saj “Psikologjia e votimit në Kosovë”. Pasionet e Fjollës përfshijnë shkencën e sjelljes, shahun dhe gjuhët e huaja.

Shkëmb është Koordinator i Projektit në Balkan Green Foundation. Ai ka më shumë se një dekadë përvojë pune në fusha të lidhura me shoqërinë, duke përfshirë hulumtimin, lehtësimin e të kthyerve të migracionit, orientimin në karrierën e të rinjve, të menduarit kritik, shkrim-leximin mediatik, avokimin dhe sipërmarrjen sociale. Përveç kësaj, Shkëmb mbanë diplomën Bachelor në Psikologji nga Universiteti i Prishtinës.

Shkëmb është thelbësisht i apasionuar pas të mësuarit pasi beson se ndryshimet pozitive të komunitetit arrihen nga avansimi i njohurive gjatë jetës së përditshme. Ai e aplikon këtë qasje në punën dhe pasionet e tij, që përfshin leximin, sportin, filmat dhe videolojërat.

Lirika Raça punon në pozitën Asistente e Projektit në kuadër të Balkan Green Foundation. Ajo përfundoi një praktikë në Iniciativën për Zhvillimin Bujqësor të Kosovës (IADK) dhe më vonë gjithashtu në Kurt Weiss Greenhouses Inc. në New York, SHBA. Po ashtu, Lirika është përfshirë në punë vullnetare brenda dhe jashtë Kosovës, dhe ka ndjekur trajnime të shumta në fushën e mjedisit, ndryshimeve klimatike, transformimit të konflikteve, ekoturizmit, mbrojtjes së natyrës dhe qeverisjes së internetit. Lirika ka një diplomë të dyfishtë AP dhe BA në Menaxhimin e Mjedisit dhe Bujqësisë nga Kolegji Universitar i Lillabelt dhe International Business College Mitrovica. Ajo është një ambientaliste e përkushtuar dhe shijon leximin, filmin dhe sporte të lidhura me natyrën si shëtitje, ngjitje dhe çiklizëm.

Egzona Aruqaj është Zyrtare e Komunikimit në Balkan Green Foundation. Ajo ka tri vite eksperiencë pune në fushën e Marketingut dhe Organizatave Joqeveritare, me fokus kryesisht në përmirësimin e sistemit edukativ në Kosovë. Përveç kësaj, ajo ka qenë e përfshirë në punë vullnetare dhe ka ndjekur trajnime të shumta rreth të menduarit kritik, edukimit mediatik, marketingut dixhital dhe fuqizimit të komuniteteve të margjinalizuara. Egzona mbanë një diplomë të nivelit Bachelor në fushën e Sociologjisë nga Universiteti i Prishtinës. Nga aspekti i pasionit, asaj i pëlqen të njoh njerëz të rinj, bota e luleve, kafshët, arti dhe videolojërat.

Alban Bytyqi mbanë pozitën Zyrtar i IT-së në Balkan Green Foundation. Ai ka më shumë se 14 vite eksperiencë në fushën e Informatikës dhe Teknologjisë, specifikisht në projekte që mbulojnë zhvillimet softuerike.

Albani ka përfunduar studimet e nivelit Bachelor në fushën e Shkencave Kompjuterike në Universitetin e Prishtinës, si dhe është i certifikuar në CCNA nga Akademia Cisco Certified Network Associate. Për nga pasioni, ai pëlqen çiklimin dhe ngjitjet në natyrë.